سەرچاوەکانی ئاو لە گوندی قشڵاخی سەقز بووژاونەتەوە

ئاڤا نیوز

دانیشتووانی گوندی "قشڵاخ" لە ناوچەی خوڕخورەی سەقز، دڵخۆشن بە بووژانەوەی کانییەکان و زیادبوونی بەرچاوی سەرچاوەکانی ئاو لە ناوچەکەیان.

زانیاریی بەدەستهاتوو: بەپێی ئەو زانیارییانەی لە گوندەکەوە بۆ ئاڤا نێردراون، خەڵکی ناوچەکە ئاماژە بەوە دەدەن بووژانەوەی سەرچاوە ئاوییەکان بووەتە جێگەی خۆشحاڵی و ئومێدێکی گەورە بۆ جووتیاران، چونکە ئاو وەک دەمارە ڕەگی ژیان و بنەمای سەرەکی کشتوکاڵ و ئاژەڵداری لە ناوچەکەدا دەبینرێت.

ئەوەی لەبارەیەوە دەگوترێت: دانیشتووانی گوندی قشڵاخ لە پەیامێکی ڤیدیۆییدا، وێڕای دەربڕینی سوپاس و ستایش بۆ ئەم نیعمەتە خوداییە، سڵاو  لە"شێخ دارا" دەکەن و خۆشحاڵی خۆیان دەردەبڕن کە دوای ماوەیەک لە چاوەڕوانی، سەرچاوەکانی ئاو ڕوویان لە زیادبوون کردووەتەوە.

بۆچی گرنگە: بووژانەوەی سەرچاوەکانی ئاو لە ناوچەی خوڕخورە،  دەبێتە هۆی بووژانەوەی کەرتی کشتوکاڵ و ئاژەڵداری، کە بژێوی سەرەکی زۆربەی دانیشتووانی ئەو گوندانەی لەسەرە.