بەهۆی لێچوونی غاز ژمارەیەک دووکان لە کەلەکچی سووتان

ئاڤا نیوز

درەنگانی شەوی پێنجشەممە، بەهۆی لێچوونی غازەوە ئاگر لە چەند دووکانێکی ناحیەی کەلەکچی کەوتەوە. بەهۆی ئاگرەکەوە زیان بەر کافتریایەک و دووکانێکی لەفەفرۆشی و دوکانێکی عەقارات کەوتووە.

زانیاریی پەیامنێر: سەلام مووشیر، پەیامنێری ئاڤا لەگەڵ لایەنی پەیوەندیدار لە ناحیەی کەلەکچی قسەی کردووە و دەڵێت: ئاگرەکە بەهۆی لێچوونی غازەوە بووە و کاتژمێر 11:30 کۆنتڕۆڵکراوە و تەنیا زیانی ماددی هەبووە و هیچ زیانێکی گیانی نەبووە.

- لەگەڵ ئەوەشدا بەرگریی شارستانیی ناوچەکە بە پەیامنێری ئاڤایان وتووە، هۆکاری زوو تەشەنەکردنی ئاگرەکە بەهۆی بوونی کەرەستەی پلاستیکی وەک مێز و کورسی بووە لەناو کافتریاکە.

ئەمەش بزانە: ناحیەی کەلەکچی دەکەوێتە سنووری قەزای شێخان لە پارێزگای دهۆک، ژمارەی دانیشتوانی زیاتر لە 45 هەزار کەس دەبێت.