بایدن هۆشداری تووند دەداتە نەتانیاهۆ

ئاڤا نیوز

سەرۆكی ئەمریكا، هۆشداری تووند دەداتە سەرۆكوەزیرانی ئیسرائیل و دەڵێت "بەهاناتەوە نایەین".

وێنە گەورەكە: ڕۆژهەڵاتی ناوەڕاست لەبەردەم هەڕەشەی شەڕو پێكدادنێ نێوان ئیسرائیل و ئێران و گرووپە چەكدارەكاندایە، ترس هەیە سەربكێشێت بۆ جەنگێكی گەورە و سەرۆكی ئەمریكاش هۆشداری دەداتە ئیسرائیل.

زانیاریی بەدەستهاتوو: ماڵپەڕی ئاكسیۆسی ئەمریكی بڵاویكردەوە:" بايدن هۆشداری بە بنیامین نەتانیاهۆ سەرۆكوەزیرانی ئیسرائیل داوە، ئەگەر دەستپێشخەربێت بۆ دووبارە ئاڵۆزی دروستكردن لە ناوچەكە ئەمریكا بەهانایەوە ناچێت".

زانیاریی زیاتر: "بەرپرسانی ئەمریكا بە ئاكسیۆسیان گوتووە بەهۆی ئیسرائیلەوە مەترسی لەسەر هەزاران سەربازی ئەمریكا لە ڕۆژهەڵاتی ناوەڕاست دروستبووە".

ئەوەی پێویستە بیزانیت: بەپێی ئامارێكی ئامارێكی وەزارەتی بەرگریی ئەمریكا، لە مانگی ئۆكتۆبەری ساڵی ڕابردووەوە، 180 هێرش كراوەتە سەر هێزەكانی ئەمریكا لە ڕۆژهەڵاتی نێوەڕاست.