ئەمریکا هۆکاری هێرشەکەی بابل ئاشکرا دەکات

ئاڤا نیوز 

 

وەزارەتی بەرگریی ئەمریکا هۆکاری هێرشکردنە سەر بارەگایەکی حەشدی شەعبی، لە پارێزگای بابل لە عێراق ئاشکرا دەکات.

 

وێنە گەورەکە: لە شەوی سێشەممەی ڕابردوو ئەمریکا لە هێرشێکی ئاسمانی بۆ سەر بارەگایەکی حیزبووڵای سەر حەشدی شەعبی، چوار چەکداری کوشت و پنتاگۆن هۆکارەکەی ئاشکرا دەکات.

 

ڕاگەیێنراوی فەرمی: سابرینا سینگ، جێگری گوتەبێژی پنتاگۆن ڕایگەیاند: هێرشەکە لەپێناو بەرگریی لەخۆکردن بووە کە زانیومانە هێرشمان دەکرێتە سەر.

 

زانیاریی زیاتر: سابرینا سینگ گوتیشی: ئەمریکا درێغی ناکات لە گرتنەبەری ڕێوشوێنی بەرگریی بۆ دڵنیابوون لە سەلامەتی سەربازەکانی و بەرژەوەندییەکانی لە عێراق و ناوچەکە.

 

ئەوەی پێویستە بیزانیت: بەگوێرەی پنتاگۆن، ئەمریکا ڕێوشوێنی بەرگریی زیاتر دەگرێتەبەر و لەوانەش زیاد کردنی سەربازەکانی لە ناوچەکە، ڕۆژنامەی واشنتۆن پۆست ئاشکرایکردووە، ئەمریکا 12 کەشتی جەنگی لە ناوچە جیاجیاکانی ڕۆژهەڵاتی ناوەڕاست جێگیرکردووە.