وەزارەتی سامانە سرووشتییەکان: پشتگیری داخستنی پاڵاوگە نایاساییەکان دەکەین

ئاڤا نیوز

 

وەزارەتی سامانە سرووشتییەكان ڕایدەگەیێنێت، بۆ پاراستنی ژینگە و تەندروستیی هاونیشتمانییان، پشتگیری لە ڕێکاری پارێزگاكان و ئیدارە سەربەخۆكان بۆ داخستنی پاڵاوگەی نایاساییەکان دەکەن.

 

ڕاگەیێنراوی فەرمی: وەزارەتی سامانە سرووشتییەكان ڕایگەیاند: "ئەو پاڵاوگانەی بەبێ مۆڵەتی وەزارەت و لە دەرەوەی ڕێنوێنییەكان دامەزراون،  جگە لە هەر سێ پاڵاوگەی كار و لاناز و قەیوان، مۆڵەتمان بە هیچ پاڵاوگەیەكی دیكە نەداوە، ئەوانیش بەپێی مەرج و ڕێنوێنییەكانی وەزارەت كار دەكەن".

 

خاڵی ئەرێنی: پێدانی مۆڵەت بە پاڵاوگەکان لەڕێگەی وەزارەت و پابەندبوون بە ڕێنوێنییەكان دەبێت، یەکێک لەوانەش پاراستنی ژینگەیە.

زانیاریی زیاتر: وەزارەتی سامانە سروشتییەکان بۆ پاراستنی ژینگە، بە نووسراوی فەرمی پارێزگاكان و ئیدارە سەربەخۆكانی ئاگادار کردووەتەوە، پێویستە ڕێکاری یاسایی بۆ پابەندکردنی مۆلیدەكانی كارەبا و بەكارهێنانی گازی كوالێتیی باش بەپێی خەسڵەتەكانی پەسەندكراوی وەزارەت بگیرێتەبەر.