344 دەرچووى قوتابخانە نێودەوڵەتییەکان لە زانکۆکانى کوردستان وەرگیران

ئاڤا نیوز

344 دەرچووی قوتابخانە نێودەوڵەتییەکان لە زانکۆکانی کوردستان وەرگیراون و ئێستا دەتوانن ئەنجامەکانیان وەربگرنەوە.

چیرۆکی سەرەکی: ئەمڕۆ یەکشەممە 19-10-2025، وەزارەتی خوێندنی باڵا و توێژینەوەی زانستیی حکومەتی هەرێمی کوردستان ناوی دەرچووانی قوتابخانە نێودەوڵەتییەکان لە زانکۆکانی کوردستان بڵاوکردەوە.

لێدوانی فەرمی: عەباس ئەکرەم، وتەبێژی وەزارەتی خوێندنی باڵا و توێژینەوەی زانستیی حكومەتی هەرێمی كوردستان بە ئاڤای ڕاگەیاند: بۆ خوێندنی ساڵی 2025-2026، 344 دەرچووی قوتابخانە نێودەوڵەتییەکانمان لە زانکۆ حکومییەکانی هەرێمی کوردستان وەرگرتووە.

ئەوەی پێویستە بیزانیت: بە گوتەی عەباس ئەکرەم، دەرچووانى قوتابخانە نێودەوڵەتییەکان دەتوانن بە یوزەرنەیم و پاسۆردەکانیان لە ڕێگەى وێبسایتى (regayzanko.com)  ئەنجامى وەرگرتنیان لە زانکۆکانى هەرێمی کوردستان وەربگرنەوە.