هیندستان کورسیی خوێندنی میوزیک بۆ فێرخوازانی کورد ڕادەگەیەنێت

ئاڤا نیوز

 

باڵیۆزخانەی هیندستان ژمارەیەک ئامێری میوزیکی پێشکەشی بەڕێوەبەرایەتیی گشتیی ڕۆشنبیری و هونەری هەڵەبجە كرد و ئامادەیە کورسیی خوێندنی میوزیکیش بۆ فێرخوازانی کورد تەرخان بکات.

 

وێنە گەورەکە: حەمەی حەمەسەعید، وەزیری ڕۆشنبیری و لاوان، پێشوازیکرد لە شاندێکی باڵیۆزخانەی هیندستان لە بەغدا و کونسوڵی گشتیی هیندستان لە هەولێر.

 

بڵاوکراوەی فەرمی: وەزارەتی ڕۆشنبیری و لاوان ڕایگەیاند: لە دیدارەکەدا ئاماژە بە بانگهێشتی تیپێکی هونەریی هەرێمی کوردستان بۆ فێستیڤاڵە نێودەوڵەتییەکانی هیندستان کرا و جەختکرایەوە، هەرێمی کوردستان خوازیاری پەرەپێدانی ئەو پەیوەندییە کولتوورییانەیە.

 

لە لایەکی دیکەوە: باڵیۆزی هیندستان لە بەغدا گوتی: "هیندستان ئامادەیە لە بواری خوێندنی میوزیک و کولتووردا، کورسیی خوێندن وەک دیاری ببەخشێتە وەزارەت بۆ ئەوەی فێرخوازانی کورد بتوانن لەو بوارانەدا بچنە هیندستان و خوێندن تەواو بکەن".