لە نەینەوا تا سنووری سووریا ئۆپەراسیۆن دەستپێدەکات

ئاڤا نیوز 

فەرماندەیی ئۆپەراسیۆنە هاوبەشەکانی عێراق ڕایگەیاند، بۆ ڕووبەڕووبوونەوەی دزەکردنی چەکداران لە سووریاوە بۆ عێراق، لەڕێگەی بیابانەکانی نەینەواوە، ئۆپەراسیۆنێکی فراوانی ئەمنییان دەستپێکردووە.

ئەوەی پێویستە بیزانیت: ئەو ئۆپەراسیۆنە لە کاتێکدایە، فەرماندەیی ئۆپەراسیۆنە هاوبەشەکان دڵنیایی دابوو لەوەی ئاسایشی سنوورەکانی عێراق لەگەڵ سووریا سەقامگیرەو هیچ مەترسییەک لە ناچەکە نییە. ئەمەش دوای هۆشداری فەرماندەیەکی حەشدی شەعبی لەوەی دۆخی ناوچەی جەزیرە لە نەینەوا لە مەترسیدایە.

ڕاگەیێنراوی فەرمی: فەرماندەیی ئۆپەراسیۆنە هاوبەشەکانی عێراق ڕایگەیاند:"ئۆپەراسیۆنەکە بەبەشداری هێزی ئاسمانی، ئۆپەراسیۆنەکانی ڕۆژئاوای نەینەوا و سەڵاحەدین و جەزیرە، هێزەکانی پشتیوانی، حەشدی شەعبی  و پاسەوانی سنوور، لە ناوچەیەکی فراوانی سنوور لەگەڵ سووریا دەستیپێکردووە".

زانیاریی زیاتر: " جەخت دەکەینەوە ئاسایشی سنوورەکانی عێراق و سووریا لە ئاستێکی ئەمنیی بەرزدایە و بەبەردەوامیش ئاسایشی ئەو ناوچەیە باشتر دەکرێت".