کۆمیسیۆن شەش کاندیدی دەرچووی دوورخستەوە

ئاڤا نیوز

کۆمیسیۆنی باڵای سەربەخۆی هەڵبژاردنەکان، دەنگی بەدەستهاتووی شەش کاندیدی سەرکەوتووی خولی شەشەمی پەرلەمانی عێراق هەڵدەوەشێنێتەوە.

چیرۆکی سەرەکی: ڕۆژی سێشەممە ڕابردوو دەنگدانی گشتیی بۆ هەڵبژاردنی خولی شەشەمی پەرلەمانی عێراق بەڕێوەچوو، کە 12 ملیۆن دەنگدەر لە سەرانسەری عێراق بەشدارییان تێدا کرد و بڕیارە ئەمڕۆ دووشەممە کۆمیسیۆن ئەنجامی ئەو هەڵبژاردنە بڵاوبکاتەوە. 

ڕاگەیێنراوی فەرمی: کۆمیسیۆنی باڵای سەربەخۆی هەڵبژاردنەکانی لە ڕاگەیێنراوێکدا دوورخستنەوەی شەش کاندیدی سەرکەوتووی ڕاگەیاند بە چەند هۆکارێکی جیاواز:-

دوو کاندید بڕوانامەی ساختەیان پێشکەش کردووە بە ناوەکانی:

- ئەحمەد ئەسعەد زەینوعابدین سمین لە هاوپەیمانی سەڵاحەددینی یەکگرتوو.

- نهاد فەیسەڵ عەباس لە هاوپەیمانی سەروەری نیشتمانی لە ئەنبار.

- خضير عليوي جبار ركاض لە هاوپەیمانی یەکلاییکردنەوەی نیشتمانی لە نەینەوا، بەڵگەنامەی نوێی خوێندنی پێشکەش بە کۆمیسیۆن نەکردووە. 

- هبە توفيق حمزە و یونس قاسم لە هاوپەیمانی یەکلاییکردنەوەی نیشتمانی لە بەغدا.

- کاندیدی سەربەخۆ نوفل شەریف جەودەت لە بەغدا.

زانیاریی زیاتر: بەگوێرەی بڕیارەکانی کۆمیسیۆن، هەر کاندیدێک لە پڕۆسەی هەڵبژاردن دووربخرێتەوە، هەر کاندیدێک لەو پرۆسەیە دووربخێتەوە دەنگەکەی بۆ خۆی و بۆ لایەنە سیاسییەکەشی ئاشکرا ناکرێت.