ئەمریکا: ئەگەری ئاگربەست لە غەززە هەیە

ئاڤا نیوز 

 

جێگری گوتەبێژی وەزارەتی دەرەوەی ئەمریكا ڕایدەگەیێنێت، ئەگەری ئاگربەست لە غەززە هەیە.

وێنە گەورەكە: سەركردەكانی هەریەك لە ئەمریكا و میسر و قەتەر، لە هەوڵدان بۆ ئەوەی كۆبوونەوەیەك لەگەڵ بەرپرس و نوێنەرانی ئیسرائیل و حەماس بكەن و تیایدا ئاگربەست ڕابگەیێنن و بڕیاری ئازادكردنی بارمتەكانیش بدرێت.

ڕاگەیێنراوی فەرمی: ڤێدانت پاتێل، جێگری گوتەبێژی وەزارەتی دەرەوەی ئەمریکا لە كۆنفڕانسێكی ڕۆژنامەوانیدا ڕایگەیاند: پێشبینی دەكەین دانوستانەكان بەردەوام بن و ئەگەری ئاگربەست لە غەززە هەیە.

زانیاریی زیاتر: چاوەڕێی بەرەوپێشچوونی گفتوگۆکان دەکەین، پێویستە هەموو دانوستانکاران بگەڕێنەوە سەر مێزی گفتوگۆ. پاتێڵ وای گوت.

ئەوەی پێویست بیزانیت: هەفتەی ڕابردوو سەرکردەکانی ئەمریکا و میسر و قەتەر داوایان لە ئیسرائیل و حەماس کرد، لە ڕۆژی 15-08-2024 لە قاهیرە یان دەوحە کۆببنەوە بۆ دانووستانی ئاگربەست و ئازادکردنی بارمتەکانی غەززە.