لە هەسارەی مەریخ سەرچاوەی ئاو دەدۆزرێتەوە

ئاڤا نیوز 

ئاژانسی ئاسمانیی ئەمریکا (ناسا) باس لە دۆزینەوەی سەرچاوەی ئاوی ژێرزەوی لە هەسارەی مەریخ دەکات، کە لە ڕێی پشکنەرێکی تایبەتەوە دۆزراونەتەوە. 

وێنە گەورەکە: پشکنەرەکەی ناسا لە ساڵی 2018 گەیشتووەتە مەریخ کە هەڵگری بومەلەرزەپێوەرێک بووە و بە ماوەی چوار ساڵ لەرزینەکانی بوومەلەرزە قووڵەکانی مەریخی تۆمار کردووە. لەگەڵ پێوانی ئەم لەرزینانە، توێژەران توانیویانە پێکهاتەی مەریخ بزانن کە یارمەتیدەر بووە بۆ گەیشتن بە سەرچاوە ئاوییەکان. 

زانیاریی زیاتر: ناسا هەمان تەکنیکەکانی دۆزینەوەی نەوت و گازی سەر زەوی بۆ دۆزینەوەی ئاو لە سەر مەریخ بەکار هێناوە.

ئەوەی پێویستە بیزانیت: بە گوێرەی داتاکان سەرچاوەکانی ئاو لە قۆڵایی 10 بۆ 20 کیلۆمەتر لە ڕووی هەسارەی مەریخن، لە ڕابردووشدا ژمارەیەکی زۆر ڕووبار و گۆم لەم هەسارەیە هەبوون.  

باکگراوند: ئەمە یەکەمجارە سەرچاوەی ئاو لە مەریخ دەدۆزرێتەوە، بەڵام پێشتر هەندێک بەڵگە دۆزراونەتەوە کە باس لە ئاوی بەستوو لە جەمسەرەکانی هەسارەی مەریخ دەکەن.