زیانلێکەوتوانی لافاوەکەی دهۆک قەرەبوو دەکرێنەوە

ئاڤا نیوز

 

 

ئەمڕۆ لەلایەن مانگی سووری عێراقەوە نزیکەی 800 خێزانی زیانلێکەوتووانی لافاوکەی دهۆک و زاخۆ قەرەبوو کرانەوە.

 

لێدوانی فەرمی: هێرش جەمیل حەسەن، بەرێوبەری ڕاگەیاندن لە نووسینگەی هیلالی سووری عێراقی لقی دهۆک بە ئاڤا میدیای گوت، "ئەمرۆ 500 خێزان لە سەنتەری دهۆک و 300 خێزان لە ئیدارەی سەربەخۆی زاخۆ قەرەبووکرانەوە، کە زیان لێکەوتووەکانی لافاوەکەی مانگی سێی ئەمساڵن،  هەڵسەنگاندن بۆ قەبارەی زیانەکان کرا و ئەمڕۆ هەر سەرۆک خێزانێک بڕی 390 هەزاری پێدرا. بڕیارە تاوەکو دوو رۆژی دیکە پرۆسەی قەرەبووکردنەوەکە بەردەوام بێت و هەموو سەرۆک خێزانێک، لە رێگەی کورتە نامەیەک لە وەرگرتنی پارەکە ئاگادار دەکرێنەوە.

 

زانیاریی زیاتر: بەهۆی دروستبوونی لافاو لە 19.3.2024 لە پارێزگای دهۆک و کە بەشێکی ئیدارەی سەربەخۆی زاخۆشی گرتەوە و ژمارەیەکی زۆری خانووی هاووڵاتیان زیانیان بەرکەوت.