ڕەیان کلدانی: یەکێتی هاوپەیمانێکی ستراتیژی بەغدایە

ئاڤا نیوز

 

ڕەیان کلدانی ڕایدەگەیێنێ، کەرکووک عێراقییە، پارێزگارە نوێیەكەی عێراقی خۆشدەوێت و یەکێتیش هاوپەیمانێکی ستراتیژی بەغدایە.

وێنە گەورەکە: یەکێتی بۆ پێکهێنانی حکومەتی خۆجێیی کەرکووک لەگەڵ بەشێکی پێکهاتەی عەرەب و بزووتنەوەی بابیلوون ڕێککەوت و ڕێبوار تەها وەک پارێزگار هەڵبژێردرا، لە ڕێککەوتنەکەشدا ڕەیاند کلدانی و قەیس غەز عەلی کە دوو سەرکردەی سزادراون لەلایەن ئەمریکا خۆیان بە براوە  دەزانن.

 

لێدوانی فەرمی: ڕەیان کلدانی، ئەمیندای گشتیی بزووتنەوەی بابیلوون لە چاوپێکەوتنێکدا لەگەڵ کەناڵی ڕابیعە گوتی: من زۆر باسی كەركووکم كردووە، كەركووک عێراقییە و بە عێراقیش دەمێنێتەوە لەژێر ئاڵای عێراقدا .

لەلایەکی دیکەوە: کلدانی ئاماژەی بۆ ئەوە کرد کە "بەشێوەیەكی گشتی ڕێبوار تەها، پارێزگاری نوێی  كەركووك هاوپەیمانێكی ستراتیژییانە و عێراقی خۆشدەوێت، تەنیا یەكێتی هەڵوێستی ڕوونە و وەک هاوبەش لەگەڵیاندا مامەڵە دەكات و خۆی بە بەشێک لە عێراق دەزانێت".