ئەمریكا سیستمی بەرگریی پێشکەوتوو لە ڕۆژئاوای کوردستان و  سووریا دادەنێت

ئاڤا نیوز

بەهۆی بەردەوامی هێرشی گرووپە چەكدارەكان، ئەمریكا سیستمی بەرگری پێشكەوتوو لە بنكە سەربازییەكانی لە ڕۆژئاوای کوردستان و سووریا دادەنێت.

وێنە گەورەكە: بەهۆی ئاڵۆزی و پێكدادانەكان لە نێوان ئیسرائیل و حەماسدا لە كەرتی غەززە، چەندین جارە گرووپە چەكدارەكان بە مووشەك و درۆن هێرش دەكەنە سەر بنكەكانی ئەمریكا لە عێراق و سووریا، ئەمەش ئەمریكای بەتەواوەتی نیگەران كردووە و بۆ بەرگریكردن لە خۆی ڕێوشوێنی تووندتر دەگرێتەبەر.

لێدوانی فەرمی: پات ڕایدەر، گوتەبێژی وەزارەتی بەرگریی ئەمریكا لە كۆنفرانسێكی ڕۆژنامەوانیدا گوتی: ”ئێستا باشترین و نوێترین سیستمی بەرگری لە سووریا لەژێر تاقیكردنەوەدایە و لەلایەن سەربازەكانمانەوە بەكاردەهێنرێت بۆ پارێزگاریكردن لە خۆیان". بەڵام ناوی سیستمەکەی ئاشكرا نەکرد.

 

ئەوەی پێویستە بیزانیت: لە سەرەتای مانگی ئابدا چەند هێرشێك كرانە سەر بنكە سەربازییەكانی ئەمریكا لە ڕۆژئاوای کوردستان و سووریا و بەهۆیەوە هەشت سەرباز و ڕاوێژكاری ئەمریكا بریندار بوون.

ئەمەش بزانە: ئەمریكا چوار بنكەی سەربازی لە ڕۆژئاوای کوردستان و سووریا هەیە و نزیكەی هەزار سەرباز و ڕاوێژكار لەخۆدەگرن.