زیارەتکارانی ئێرانی نرخی تەماتە لە عێراق و هەرێمی کوردستان بەرزدەکەنەوە

ئاڤا نیوز

 

بەهۆی هاتنی زیارەتکاران و زۆری خواست لەسەر تەماتە لە ماوەی 10 ڕۆژدا هەر کیلۆیەک تەماتە نزیکەی 500 دیناری چووەتە سەر و لە بازاڕ نرخی گەیشتووەتە هەزار و 500 دینار. 

 

وێنە گەورەکە: لە بازاڕەکانی هەرێمی کوردستان، نرخی تەماتەی خۆماڵی بەراورد بە 10 ڕۆژی ڕابردوو بەرزبووەتەوە، لە عەلوە کیلۆیەک تەماتەی خۆماڵی لە 600 دینارەرە بەرزبووەتەوە بۆ هەزار دینار، بە هەزار و 500 دیناریش دەگاتە دەستی هاونیشتمانییان.

 

لێدوانی فەرمی: زۆری خواست لە ناوەڕاست و باشووری عێراقەوە لەسەر تەماتەی هەرێمی کوردستان و هاتنی بەلێشاوی زیارەتکارانی ئێرانی وایکردووە نرخی تەماتە بەرزببێتەوە، هەر لەبەر ئەم هۆکارە ئێستا بۆ ماوەیەکی کاتی حکومەتی عێراق، ڕێگەی بە هاوردەکردنی تەماتە داوە” هیوا عەلی، گوتەبێژی وەزارەتی کشتوکاڵ و سەرچاوە ئاوییەکانی حکومەتی هەرێمی کوردستان بە ئاڤا  نیوزی ڕاگەیاند.

 

ئەمەش بزانە: بەپێی ئامارێکی وەزارەتی کشتوکاڵی حکومەتی هەرێمی کوردستان، لە هەرێمی کوردستان،  ساڵی 2022  ڕووبەری داچێنراو بە تەماتە 54 هەزار و 535 دۆنم زەوی بووە و بەرهەمی تەماتە 242 هەزار تۆن بووە، بەڵام ساڵی ڕابردوو ڕووبەری داچێنراو بەتەماتە  255 هەزار بووە، جووتیاران لەم ڕووبەرەدا 55 هەزار تۆن تەماتەیان بەرهەمهێناوە.