هێڵی لوفتهانزای ئەڵمانی ڕاگرتنی گەشتەکانی بۆ هەولێر و چەند وڵاتێک درێژکردەوە

ئاڤا نیوز  

گرووپی هێڵی فڕۆکەوانی لوفتهانزای ئەڵمانی ڕاگرتنی گەشتەکانی بۆ چەند وڵاتێک درێژکردەوە، لەناویاندا فڕۆکەخانەی نێودەوڵەتی هەولێر هەیە.

وێنە گەورەکە: ماوەی ساڵێکە بەهۆی هێرشەکانی ئیسرائیل بۆسەر کەرتی غەززە و نا سەقامگیرییەکانی ڕۆژهەڵاتی ناوەڕاست چەندین گەشتی ئاسمانی هەڵوەشاونەتەوە.

لێدوانی فەرمی: ئەحمەد هۆشیار، بەڕێوەبەری فڕۆکەخانەی نێودەوڵەتی هەولێر بە ئاڤا نیوزی ڕاگەیاند: ئەمڕۆ دووشەممە گرووپی کۆمپانیاکانی لوفتهانزای ئەڵمانی ڕاگرتنی گەشتەکانی بۆ هەریەکە لە فڕۆکەخانەکانی تێلئەڤیڤ، تاران، عەمان، بەیروت و هەولێر تاوەکو 26ی ئاب درێژکردووەتەوە.

زانیاریی زیاتر: گرووپی کۆمپانیاکانی لوفتهانزای ئەڵمانی ئەوە سێیەمجارە درێژکردنەوەی ماوەی گەشتەکانی درێژ دەکاتەوە. ئەحمەد هۆشیار ئەمەشی گوت.

ئەوەی پێویستە بیزانیت: هێڵی فڕۆکەوانی لوفتهانزای ڕۆژی پێنجی ئاب ڕایگەیاند: گەشتەکانیان بۆ چەند وڵاتێک ڕاگرتووە، دوو ڕۆژ دواتر ڕایانگەیاند ڕاگرتنی گەشتەکانیان درێژکردووەتەوە، ئەمە لەکاتێکدایە جارێکی دیکە لەمانگی نیسان هەمان کۆمپانیا بە هەمان هۆکار گەشتەکانی بۆ چەند وڵاتێک ڕاگرت.