كاتی مانەوەی هێزەكانی ئاشتیپارێز لە لوبنان درێژكرایەوە

ئاڤا نیوز

کاتی مانەوەی هێزەکانی ئاشتیپارێزی سەر بە نەتەوەیەکگرتووەکان لە لوبنان، بۆ ماوەی 12 مانگی دیکە درێژکرایەوە.

وێنە گەورەکە: ئەنجوومەنی ئاسایشی نێودەوڵەتی لە نیویۆڕک لە کۆبوونەوەدایە بۆ قسەکردن لەسەر دۆخی لوبنان و سووریا و چەندین بڕیاری گرنگ لە بارەی ئەو دوو وڵاتەوە دەدات.

ئەوەی ئێستا ڕوودەدات: بە کۆی دەنگ ئەنجوومەنی ئاسایش بڕیاریدا بە مانەوەی هێزە ئاشتی پارێزەکانی نەتەوە یەکگرتووەکان لە لوبنان بۆ ماوەی 12 مانگی دیکە.

ئەمەش بزانە: هێزی فرەنەتەوە و ئاشتیپارێزی نەتەوە یەکگرتووەکان لە ساڵی 2006 ەوە لە لوبنان ئامادەن و بڕیارە ساڵێکی دیکەش بمێننەوە.

بۆچی گرنگە: مانەوەی ئەم هێزە لە لوبنان هۆکارێک دەبێت بۆ ئەوەی ئاڵۆزییەکانی نێوان ئیسڕائیل و حیزبوڵڵا پەرەنەسەنێت و تا ڕادەیەکیش هێور ببێتەوە.