ترەمپ باسی عێراق دەکات و دەڵێت کێشەیەکی گەورەیان هەیە

ئاڤا نیوز

سەرۆکی ئەمریکا لە لووتکەی ئاشتی شەرەم شێخەوە پەیامێکی بۆ عێراق نارد و وتی، عێراق نەوتێکی زۆری هەیە و نازانن چۆن مامەڵەی پێوەبکەن، ئەوەش "کێشەیەکی گەورەیە کە نازانن چۆن سوودی لێوەربگرن."

وێنە گەورەیە: ئێوارەی ئەمڕۆ دووشەممە ڕێککەوتننامەی ئاشتیی لە غەززە واژۆکرا، دۆناڵد ترەمپ، سەرۆکی ئەمریکا و عەبدولفەتاح سیسی، سەرۆکی میسر و ڕەجەب تەیب ئەردۆغان، سەرۆککۆماری تورکیا و میری قەتەر واژۆیان لەسەر رێککەوتنی ئاشتیی لە ڕۆژهەڵاتی ناوەڕاست کرد کە شەڕی نێوان ئیسرائیل و حەماس ڕادەگرێت.

لێدوانی فەرمی: دۆناڵد ترەمپ، سەرۆکی ئەمریکا لە لووتکەی ئاشتی شەرەم شێخ لە میسر وتارێکی پێشکەش کرد و ڕایگەیاند: "عێراق نەوتێکی زۆری هەیە و نازانن چۆن مامەڵەی پێوەبکەن، ئەوەش کێشەیەکی گەورەیە کە نازانن چۆن سوودی لێوەربگرن".

لەلایەکی دیکەوە: چاوەڕێ دەکرێت ڕێککەوتنی لووتکەی ئاشتی شەرەم شێخ هاوکاربێت بۆ هێوکردنەوە و دەستپێکی قۆناغێکی نوێی ئاوەدانی لە غەززە، ئەوەش دەبێتە سەرەتایەک بۆ قۆناغێکی نوێی ئاشتی لە ناوچەکەدا، لە لووتکەکەدا محەممەد شیاع سوودانی، سەرۆکوەزیرانی عێراقیش ئامادەی بوو.