ئەوانەی ڤیزای چینیان هەیە ئاسانکارییان بۆ دەکرێت

ئاڤا نیوز

حکومەتی چین ڕایگەیاند، ئەوانەی تا کۆتایی ساڵی داهاتوو داوای ڤیزای کورتخایەن دەکەن، ئەگەر جاری دووەم چوونە ژوورەوە بۆ ئەو وڵاتە بکەن، لە پەنجەمۆر دەبەخشرێن.

وێنە گەورەکە: چین وەک وڵاتێکی پیشەسازی پێشکەوتووە، لەسەر ئاستی جیهان بووەتە سەنتەرێکی کارای بازرگانی و لەگەڵ زۆربەی وڵاتانی جیهان ئاڵوگۆڕی لە بوارە جیاوازەکان هەیە.

ڕاگەیێنراوی فەرمی: کونسوڵخانەی چین لە هەولێر ڕایگەیاند: لە دووی ئەیلولی ئەمساڵەوە تاوەکو 31ی کانوونی یەکەمی 2025، ئەوانەی داوای ڤیزای کورتخایەنی 180 ڕۆژی دەکەن، ئەگەر جاری دووەم بە هەمان ڤیزا گەشتی وڵاتی چینیان کرد لە پەنجەمۆر دەبەخشرێن. 

باکگراوند: لە 28ی شووباتی ئەمساڵ، سەنتەری ڤیزای چین لە هەولێر کرایەوە، پێش کردنەوەی ئەو سەنتەرە تێچووی ڤیزا بۆ هاونیشتمانیانی هەرێمی کوردستان 500 دۆلار بوو، بەڵام دوای کردنەوەی سەنتەرەکە تێچووی هەر ڤیزایەک بوو بە 38 دۆلار.