ڕوونکردنەوەیەک لە وەزارەتی دارایییەوە بۆ بەشداربووانی هەژماری من

ئاڤا نیوز

وەزارەتی دارایی و ئابووریی هەرێمی کوردستان لەبارەی ئەو مووچەخۆرانەی لەڕێگەی هەژماری من مووچە وەردەگرن ڕوونکردنەوە دەدات و ڕایدەگەیێنێ، پەیوەندییان بە لیستی مووچەوە نییە و ڕۆژی چوارشەممە مووچەی سەرجەمیان  دەدرێت.

وێنە گەورەکە: ئەمڕۆ دووشەممە وەزارەتی دارایی و ئابووری لیستی مووچەی مانگی حەوتی بڵاوکردەوە. سبەی سێشەممە دەست بە دابەشکردنی دەکرێت و تاوەکو پێنجشەممە کە دەکاتە سێ ڕۆژ، مووچەی سەرجەم مووچەخۆران دەدرێت.

ئەوەی پێویستە بیزانیت: بۆ ئەم مانگە 25 هەزار فەرمانبەری دیکە لەڕێگەی هەژماری من مووچە وەردەگرن، بەکۆی گشتیش ئەم مانگە 120 هەزار فەرمانبەر مووچەی مانگی حەوت لەڕێگەی ATM-ەکانی هەژماری من وەردەگرن.

 

لێدوانی فەرمی: هونەر جەمال، گوتەبێژی وەزارەتی دارایی و ئابووری بە ئاڤا نیوزی گوت، "ئەو مووچەخۆرانەی بەگوێرەی لیستەکە ڕۆژانی سێشەممە و پێنجشەممە مووچەیان دابەش دەکرێت، دەتوانن ڕۆژی چوارشەممە لەڕێگەی ئامێرەکانی ATM مووچەکانیان ڕابکێشن." 

ئەو مانایەی دەیگەیێنێت: ئەو  مووچەخۆرانە پەیوەندییان بە لیستی مووچەوە نییە، هەموویان ڕۆژی چوارشەممە مووچەیان دەخرێتە سەر هەژمارەکانیان و هەمان ڕۆژیش دەتوانن مووچەکەیان ڕایبکێشن.