لیستی مووچەی مانگی یەک ڕەوانەی بەغدا کرا

ئاڤا نیوز

وەزارەتی دارایی و ئابووریی هەرێمی کوردستان ڕایدەگەیەنێت، لیستی مووچە لە ڕێگەی تیمی تەکنیکیی وەزارەتی داراییەوە ڕەوانەی بەغدا کرا و سبەی ڕادەستی وەزارەتی دارایی عێراق دەکرێت.

چیرۆکی سەرەکی: دوێنێ وەزارەتی دارایی عێراق نووسراوێکی ئاراستەی حکومەتی هەرێمی کوردستان کرد بۆ ئەوەی لیستی مووچەی مانگی یەکی ساڵی 2026ـی بۆ ڕەوانە بکرێت. بڕیار بوو ئێوارەی ڕۆژی دووشەممە 26-01-2026، لیستی مووچە بۆ بەغدا بنێردرێت، بەڵام گرفتێکی تەکنیکی هاتە پێش، بۆیە دواخرا و ئەمڕۆ ڕەوانە کرا.

ڕاگەیێنراوی فەرمی: بەگوێرەی ڕاگەیەندراوی وەزارەتی دارایی و ئابووریی هەرێمی کوردستان، ئەمڕۆ لیستی مووچەی مانگی یەکی فەرمانبەران و مووچەخۆرانی هەرێمی کوردستان، لەلایەن تیمی تەکنیکیی وەزارەتی دارایی و ئابووریی هەرێمی کوردستانەوە ڕەوانەی بەغدا کرا و بڕیارە سبەی چوارشەممە ڕادەستی فەرمانگەی ژمێریاریی وەزارەتی دارایی حکومەتی فیدراڵی بکرێت.

لەلایەکی دیکەوە: د. شاخەوان عەبدوڵڵا، سەرۆکی فراکسیۆنی پارتی لە پەرلەمانی عێراق بە ئاڤای ڕاگەیاند: لە بەغدا بەدواداچوونی زۆرمان بۆ پرسی مووچەی مووچەخۆران کردووە و لەگەڵ حکومەتی هەرێمی کوردستاندا لە گفتوگۆ و لێکتێگەیشتن نزیکن بۆ ئەوەی مووچەی مانگی یەک خەرج بکرێت.