قەبارەی وەبەرهێنانی ڕووسیا لە عێراق لە کەرتی وزە دەگاتە 19 ملیار دۆلار

ئاڤا نیوز 

 

بەگوێرەی تازەترین لێدوانی وەزیری دەرەوەی ڕووسیا قەبارەی وەبەرهێنانی وڵاتەکەی لە کەرتی وزەی عێراق دەگاتە 19 ملیار دۆلاری ساڵانە، باسی لەوەشکردووە پڕۆژەی گەورەتر لە عێراق جێبەجێ دەکەن.

 

وێنە گەورەکە: وەزیری دەرەوەی ڕووسیا لە پێشانگای تایبەت بە 80 یەمین ساڵیادی پەیوەندییە دیپلۆماسییەکانی ڕووسیا لەگەڵ عێراق، قەبارەی وەبەرهێنانی وڵاتەکەی لە کەرتی وزەی عێراقدا ئاشکرا کرد.

 

ڕاگەیێنراوی فەرمی: سێرگی لاڤرۆڤ، وەزیری دەرەوەی ڕووسیا ڕایگەیاند: پیشەسازی نەوت و گاز فاکتەرێکی سەرەکیی هاوکاریی نێوان ئێمە و عێراقە، لە ئێستادا ژمارەیەک پرۆژەی گەورە بە بەشداریی کۆمپانیا نەوتییەکانی ڕووسیا ئەنجام دەدرێن.

 

زانیاریی زیاتر: زیاتر لە 51 کۆمپانیا ڕووسی لە عێراق کار دەکەن و کۆمپانیاکانی "لۆک ئۆیل" و "گاز پرۆم" و "ڕووس نەوت" پشکی سەرەکیی وەبەرهێنانی ڕووسیایان لە عێراق بەرکەوتووە.

 

ئەوەی پێویستە بیزانیت: لە ساڵی 1944 عێراق و ڕووسیا 'یەکێتی سۆڤیێتی پێشوو'، پەیوەندیی دیپلۆماسییان دامەزراند و عێراق بە یەکێک لە هاوبەشە سەرەکییەکانی ڕووسیا لە ناوچەکە دادەنرێت، بە تایبەتی لە کەرتی ئابووری و وزەدا.