کۆریای باکوور وێنەی دامەزراوە ئەتۆمییەکانی بڵاو دەکاتەوە

ئاڤا نیوز

 

کۆریای باکوور چەند وێنەیەکی کێڵگەیەکی پیتاندنی یۆرانیۆمی بڵاو کردەوە. ئەمە یەکەم جار ئەم وڵاتە وێنەی دامەزراوە ئەتۆمییەکانی بڵاو دەکاتەوە. 

 

وێنە گەورەکە: بڵاوکردنەوەی ئەم وێنانە لە کاتێکدایە کە پێشتر کیم جۆنگ ئوون، ڕێبەری ئەو وڵاتە داوای کرد بوو کۆگای یۆرانیۆمی پیتێنراو زیاتر بکرێت و ژمارەی سەنتەر فیوژەکانیش زیاتر بکرێت.

 

زانیاریی زیاتر: لە وێنەکەدا کیم جۆنگ ئوون بەدیار دەکەوێت کە دامەزراوەیەکی ئەتۆمیی ئەو وڵاتە بەسەردەکاتەوە. کاری دامەزراوەکە پیتاندنی یۆرانیۆمە بۆ ئاستێک کە گونجاوبێت لە درووستکردنی چەکی ئەتۆمیدا. 

 

ئەوەی پێویستە بیزانیت: کۆریای باکوور بۆ یەکەمجار لە ساڵی 2006 تاقیکردنەوەی ئەتۆمی ئەنجام دا. دواتر بە هۆی پڕۆگرامی چەکە قەدەغەکراوەکانیەوە، خرایە ژێر سزاکانی نەتەوە یەکگرتووەکان.