پووتین و زێلێنسکی کۆ دەبنەوە

ئاڤا نیوز

پێگەی ئەکسیۆس دەڵێت، لەماوەیەکی نزیکدا ڤلادێمیر پووتین، سەرۆکی ڕووسیا و ڤۆلۆدێمیر زێلێنسکی، سەرۆکی ئۆکرانیا کۆ دەبنەوە. بەڵام ئاماژە بە شوێن و کاتی کۆبوونەوەکە نەکراوە.

 

زانیاریی بەدەستهاتوو: ئەکسیۆس لە زاری سەرچاوەیەکی ئیدارەی ترەمپ ئاشکرای کردووە، ''ڕەنگە بەمزووانە هەردوو سەرکردە کۆببنەوە، بەڵام پێش بەڕێوەچوونی ئەو کۆبوونەوەیە دەبێت دانوستانی زیاتر ئەنجام بدرێت''.

 

بۆچوونی لایەنی بەرامبەر: بەرپرسێکی ئۆکرانیا لەبارەی ئەم خولەی دانوستانەوە دەڵێت، پێشکەوتنی باش بەدیهاتووە، بەڵام هێشتا ڕوون نییە ئایا پووتین بەڕاستی دەیەوێت کۆتایی بە شەڕەکە بهێنێت، بۆیە هێشتان زووە بۆ ئەوەی حکوم بدرێت.

 

لەلایەکی دیکە: لە هەمان چوارچێوەدا بڕیار وایە هەفتەی داهاتوو خولێکی دیکەی دانوستانەکان لە ئەبوزەبی بەڕێوەبچێت، کاربەدەستێکی ئەمریکی ڕایگەیاند: بڕیارە قۆناغی داهاتوو لە 1 ـی شوبات ئەنجام بدرێت.