بە هۆی زریانێکی بەهێز باری نائاسایی لە ئەمریکا ڕاگەیێنرا

ئاڤا نیوز

 

بەهۆی زریانێکی بەفراوی کە بەشێکی زۆری ئەمریکای گرتووەتەوە، باری نائاسایی لە چەندین ویلایەت ڕاگەیەنرا و هەزاران گەشتی ئاسمانیش هەڵوەشانەوە.

کاریگەری و لێکەوتەکان؛ زریانەکە کاریگەری توندی کردووەتە سەر تۆڕەکانی وزە و بووەتە هۆی بڕانی کارەبا لە لای زیاتر لە 160 هەزار بەشداربوو، کە زۆربەیان لە ویلایەتەکانی تێکساس و لویزیانان. زیاتر لە چوار هەزار گەشتی ئاسمانی لە سەرانسەری ئەمریکا هەڵوەشانەوە. 

 

ئەوەی لەبارەیەوە دەگوترێت: دۆناڵد ترەمپ زریانەکەی بە "مێژوویی" ناوبرد و ڕەزامەندی نیشاندا لەسەر ڕاگەیاندنی باری نائاسایی فیدراڵی لە 12 ویلایەتی جیاواز، لەوانە (کارۆلینای باشوور، ڤێرجینیا، تێنسی، و جۆرجیا). 

 

- لای خۆیەوە، کریستی نۆم، وەزیری ئاسایشی نیشتمانی ڕایگەیاند تیمەکانی چاککردنەوە سەرقاڵی گەڕاندنەوەی کارەبان بۆ ئەو ناوچانەی زیانیان بەرکەوتووە.