ئەمریکا گرووپەکانی سەر بە ئێران بە هێرشکردنە سەر باڵیۆزخانەکەی تۆمەتبار دەکات

ئاڤا نیوز

 

ئەمریکا ڕایدەگەێینێت ئەو گرووپانەی کە سەر بە ئێرانن و لە عێراقدان بەرپرسن لە هیرشکردنە سەر کەمپەسی باڵیۆزخانەکەی لە فڕۆکەخانەی بەغدا.

 

ڕاگەیێنراوی فەرمی: باڵیۆزخانەی ئەمریکا لە بەغدا ڕایگەیاندووە "هێرشەکە لەلایەن گرووپە میلیشیاییەکانی سەر بە ئێران کە بە ئازادانە لە عێراق چالاکی دەکەن ئەنجام دراوە".

 

زانیاریی زیاتر: ئاماژە بەوەش دراوە کە لە هێرشەکەدا هیچ کەس بریندار نەبووە و هاوکات هۆشداری داوە لەوەی کە ئەمریکا "مافی خۆیەتی بەرگریی لە خۆی بکات".

 

ئەوەی پێویستە بیزانیت: ڕۆژی پێنجشەممە 12-9-2024، هێرش کرایە سەر کەمپەسەکەی باڵیۆزخانەی ئەمریکا لە نزیک فڕۆکەخانەی نێودەوڵەتیی بەغدا. 

 

ئەمەش بزانە: هێرشەکە کەمێک بەر لە گەیشتنی مەسعود پزیشکیان، سەرۆککۆماری ئێران کرا کە بە سەردانێکی فەرمی گەیشتە بەغدا و دواتریش سەردانی هەرێمی کوردستانی کرد.