ئەمریکا بۆ دانوستان لەگەڵ ئێران مەرجی هەیە

ئاڤا نیوز

 

لەگەڵ نزیکبوونەوەی کۆتاییهاتنی ئیدارەی جۆ بایدن، ئەمریکا ڕەفتارێکی تووندتر بەرامبەر بە ئێران نیشان دەدات و مەرجی خۆی بۆ دانوستان لەگەڵ ئێران دادەنێت. 

 

وێنە گەورەکە: ئیدارەی بایدن لە ماوەی ڕابردوودا نەیتوانی ئەمریکا بۆ ناو ڕێککەوتننامەی ئەتۆمی بگەڕێنێتەوە کە ترەمپ لێی کشابووەوە. ئەمریکا لە نیازپاکیی ئێران بۆ ڕێککەوتن بەگومانە و بۆ ئەو مەبەستەش مەرجی خۆی هەیە. 

 

لێدوانی فەرمی: ماتیو میلەر، گوتەبێژی وەزارەتی دەرەوەی ئەمریکا ڕایگەیاند "ئەگەر ئێران بیەوێت نیازپاکیی خۆی نیشانی ئەمریکا و کۆمەڵگەی نێودەوڵەتی بدات، دەبێت واز لە پشتیوانی و پارەدارکردنی تیرۆریزم بهێنێت، گرژییە ئەتۆمییەکان بووەستێنێت و ڕێگە بدات ئاژانسی وزەی ئەتۆم بەتەواوی لە چالاکییەکانی بەردەوامێت".

ماتیو میلەر  بە مەرجی دادەنێت ئێران "تیرۆری نەیارە سیاسییەکانی خۆی بووەستێنێت، کۆتایی بە پێدانی مووشەک بە ڕووسیا بهێنێت کە دژی خەڵکی ئۆکراینا بەکاردەبرێن، هەروەها کۆتایی بە لەسێدارەدانە نادادپەروەرانە و بێوێنەییەکان بهێنێت".

 

باکگراوند: ساڵی 2015 ئێران لەگەڵ وڵاتانی 5+1 ڕێککەوتنی ئەتۆمی واژۆ کرد، بەڵام دواتر لە ساڵی 2018 ترەمپ لە ڕێککەوتنەکە کشایەوە، هێشتاش ئەمریکا نەگەڕاوەتەوە بۆ ناو ڕێککەوتنەکە.