کتێبێکی نوێ لەبارەی سەرۆک بارزانی و ڕۆژئاوای كوردستان بڵاودەکرێتەوە

ئاڤا نیوز

 

كتێبی ڕۆژئاوای كوردستان.. سەرۆك بارزانی، پشتیوانی و نیگەرانی لە ئاییندە، لە نووسینی ئاسۆ عەلی فەرەج چاپ و بڵاودەكرێتەوە.

 

لێدوانی فەرمی: ئاسۆ عەلی فەرەج بە ئاڤا نیوزی گوت: "ناوەڕۆکی کتێبەکە هەشت تەوەری جیاواز لەخۆدەگرێت، هەوڵێكە بۆ خستنەڕووی هەڵە و پشتكردنە ئامانجە نەتەوەییەكان لەلایەن گرووپەكانی سەر بە پارتی كرێكارانی كوردستان (پەكەكە)ەوە، کە بە هاوكاری هەندێك دەوڵەت، دەرفەتی سەركەوتنی ئەزموونی ڕۆژئاوای كوردستانیان كردە قوربانیی ئەجێندای حیزبیی خۆیان".

 

ئەوەی پێویستە بیزانیت: كتێبی ڕۆژئاوای كوردستان.. سەرۆك بارزانی، پشتیوانی و نیگەرانی لە ئاییندە، لە هەشت بەش پێكدێت:

بەشی یەكەم: بریتییە لە سێ كورتە تەوەر.

بەشی دووەم: باس لە لێكەوتەی بەهاری عەرەبی دەكات.

بەشی سێیەم: باس لە سەرهەڵدانی داعش و پەلامارەكانی بۆ سەر ڕۆژئاوای كوردستان دەكات.

بەشی چوارەم: لە بابەتی مەزڵومیەتی گەلی كورد و ڕۆحی خزمەتكاری قووڵبووەتەوە.

 بەشی پێنجەم: بریتییە لە خستنەڕووی زانیاری لەچوارچێوەی (پەكەكە هێزێكی سەپێنراو) خراوەتەڕوو.

 بەشی شەشەم: باس لە ڕێككەوتنە گرنگەكان كراوە.

بەشی حەفتەم: بریتییە لە خۆڕادەستكردن بە بەرژەوەندی هەرێمایەتی و نێودەوڵەتی.

 بەشی هەشتەم: باس لە خودی بارزانی لە ڕۆژئاوای كوردستان دەكات.

 

ئەوەش بزانە: لە كۆتاییدا نووسەر وێنەی تایبەتی ڕووداوەكانی نێو ناوەڕۆكی كتێبەكە و  لیستی سەرچاوەكانی خستووەتەڕوو.