مێتا قسەکردنی درەنگانی شەو لە کەسانی تەمەن خوار 18 ساڵ قەدەغە دەکات

ئاڤا نیوز 

 

مێتا لە ئەمریکا، ئوسترالیا و کەنەدا بە مەبەستی پاراستنی ئەو کەسانەی تەمەنیان لە خوار 18 ساڵییەوەیە قسەکردن (چاتکردن) قەدەغە دەکات. 

 

ڕاگەیێنراوی فەرمی: کۆمپانیای مێتا ڕایگەیاند: لە دوای 24ـی ئەم مانگەوە، هەر کەسێک تەمەنی لە خوار 18 ساڵییەوە بێت، چاودێری دەکرێت و هەژمارەکانیان سنووردار دەکرێت، هاوکات ئەوانەی پێش ئەم وادەیە خاوەنی پەڕەی خۆیان بووبن، لە دوو مانگی داهاتوودا لە ڕێگەی تەکنەلۆژیای زیرەکەوە چاودێریی دەکرێن.

 

زانیاریی زیاتر: ئەم سنووردارکردنە چەند ڕێکارێکی تایبەت لەخۆ دەگرێت، ئەوانەی تەمەنیان لە خوار 18 ساڵییەوە تەنیا دەتوانن لەگەڵ ئەو کەسانە نامە بگۆڕنەوە کە فۆلۆویان کردوون و پەیوەندیی نزیکیان هەیە، هاوکات ناتوانن لە کاتژمێر 10:00ـی شەوەوە تاوەکو 07:00ـی بەیانی لەگەڵ هیچ کەسێک قسە بکەن.
 

لەلایەکی دیکەوە: بابەت و ڤیدیۆکانی تایبەت بە ڕێکلامەکانی نەشتەرگەریی جوانکاری، شەڕ و بابەتە هەستیارەکانیان لێ سنووردار دەکرێت.