فەرەنسا سۆشیال میدیا لە منداڵان قەدەغە دەکات

ئاڤا نیوز

پەرلەمانی فەرەنسا بە زۆرینەی دەنگ بڕیاری دا بەکارهێنانی سۆشیال میدیا بۆ هەرزەکارانی خوار تەمەن 15 ساڵ قەدەغە بکات.

لێدوانی فەرمی: ئیمانوێل ماکرۆن، سەرۆککۆماری فەرەنسا ڕایگەیاند: "گرنگیی بە دەروون و تەندروستیی منداڵەکانمان دەدەین و مێشکی منداڵەکانمان بۆ فرۆشتن نییە؛ ئەم هەنگاوە پێویستییەک بوو بۆ پاراستنی نەوەی داهاتوو".

زانیاریی زیاتر: دانیشتنە تایبەتەکەی پەرلەمانی فەرەنسا دوای پێشنیازێکی ماکرۆن هات، کە تێیدا 116 پەرلەمانتار لە کۆی 139 ئەندام، پشتگیریی قەدەغەکردنی پلاتفۆرمەکانی وەک سناپچات، ئینستاگرام و تیکتۆکیان بۆ منداڵانی خوار 15 ساڵ کرد.

ئەوەی پێویستە بیزانیت: ئەم بڕیارە دوای ئەوە دێت کە زنجیرەیەک توێژینەوەی زانستیی دەریانخستبوو بەکارهێنانی بێ سنووری سۆشیال میدیا لە تەمەنی هەرزەکارییدا، زیانی قەرەبوو نەکراوە بە گەشەی مێشک و سەقامگیریی دەروونیی منداڵان دەگەیەنێت. یاساکە کۆمپانیاکانی تەکنەلۆژیا ناچار دەکات سیستەمی وردی دیاریکردنی تەمەن دابنێن، ئەگەرنا ڕووبەڕووی سزای دارایی یەکجار قورس دەبنەوە.