سەرۆکوەزیران بارزانی و لیژنەی دارایی پەرلەمانی عێراق کۆدەبنەوە

ئاڤا نیوز

بەمەبەستی بەدواداچوون بۆ ڕێککەوتنی هەردوو ئەنجوومەنی وەزاری بۆ کاروباری ئابووریی هەرێمی کوردستان و عێراق، شاندێکی لیژنەی داریی پەرلەمانی عێراق لە هەولێرن، دوای کۆبوونەوە لەگەڵ سەرۆک بارزانی، دوانیوەڕۆی ئەمڕۆ لەگەڵ سەرۆکوەزیران مەسرور بارزانی کۆدەبنەوە.

وێنە گەورەکە: 12 ئەندامی لیژنەی دارایی پەرلەمانی عێراق بە سەرۆکایەتی عەتوان عەتوانی، سەرۆکی لیژنەکە لە ئێوارەی دوێنێ لە هەولێرن و زنجیرەیەک کۆبوونەوە لەگەڵ بەرپرسانی باڵای هەرێمی کوردستان دەکەن، سبەی پێنجشەممەش لەگەڵ وەزارەتی دارایی و ئابووریی هەرێمی کوردستان کۆدەبنەوە.

زانیاریی بەدەستهاتوو: بڕیارە دوانیوەڕۆی ئەمڕۆ سەرۆکوەزیران مەسرور بارزانی لەگەڵ لیژنەی دارایی پەرلەمانی عێراق کۆببێتەوە، چەند پرسێک تاوتوێ دەکرێن لەوانە؛ مووچە، داهاتی ناوخۆ، دەروازە سنوورییەکان و بەرپرسیارییەتەكانی هەولێر و بەغدا بەگوێرەی دەستوور.

لێدوانی فەرمی: عەتوان عەتوانی، سەرۆکی لیژنەکە قسەی بۆ ئاڤا نیوز کرد و گوتی: "نیازێک لەلایەن حکومەتی هەرێمی کوردستان هەیە بۆ چارەسەکردن و سفرکردنەوەی کێشە و ناکۆکییەکان."