پەرلەمانی عێراق دانیشتنێکی تایبەت لەبارەی دۆخی لوبنان دەکات

ئاڤا نیوز

 

بڕیارە بەهۆی دوایین پەرەسەندنەکانی لوبنان و کوژران و بریندار بوونی دەیان کەس ڕۆژی شەممەی داهاتوو پەرلەمانی عێراق دانیشتێکی تایبەت ئەنجام بدات.

 

وێنە گەورەکە: لە سەرەتای جەنگی نێوان حیزبوڵڵای لوبنان و ئیسرائیل، حکومەتی عێراق، پەرلەمان، مەرجەعیەتی باڵای شیعەکان و هێز و حیزبە سیاسییەکان پاڵپشتیی خۆیان بۆ لوبنان ڕاگەیاندووە.

 

لێدوانی فەرمی: دارا سێکانیانی، ئەندامی لیژنەی یاسایی پەرلەمانی عێراق بە ئاڤا نیوزی ڕاگەیاند: لە پەرلەمان دەست بە کۆکردنەوەی واژۆ کرا بۆ ئەوەی دانیشتنێیکی تایبەت لەبارەی بارودۆخی لوبنان بکرێت و دواجار سەرۆکایەتیی پەرلەمان بڕیاریدا  ڕۆژی دووشەممە دانیشتنەکە بکرێت.

 

ئەوەی پێویستە بیزانیت: لە هەفتەی ڕابردووەوە جەنگێکی سەخت لە نێوان ئیسرائیل و حیزبوڵڵای لوبنان دەستیپێکردووە، لە بەرەبەیانی ئەمڕۆ چوارشەممەوە ئیسرائیل 150 پێگەی لە لوبنان کردووەتە ئامانج، بەو هۆیەشەوە 19 کەس لە لوبنان گیانیان لەدەستداوە و 94ـی دیکەش بریندار بوون.

 

لە لایەکی دیکەوە: لەبەرامبەردا حیزبوڵڵای لوبنان زیاتر لە 300 مووشەکی ئاڕاستەی خاکی ئیسرائیل کردووە و بارەگای موسادی لە تەلئەڤیڤ کردووەتە ئامانج.

 

باکگراوەند: بۆ یارمەتیدانی لوبنان، حکومەتی عێراق بڕیاری داوە ماوەی مانەوەی هاووڵاتیانی لوبنان لە خاکەکەی درێژ بکاتەوە و مەرجی ڤیزا لەسەر ئەوانەی کە دێنە سنوورەکانی هەڵگرتووە و پێشتریش یارمەتیی مرۆیی گەیاندووەتە بەیرووت.