فەرمانی دامەزراندنی وانەبێژانی زانکۆ و پەیمانگەکان بە گرێبەست واژۆ کرا

ئاڤا نیوز

سەرۆکوەزیران مەسرور بارزانی ڕەزامەندی لەسەر دامەزراندنی وانەبێژانی زانکۆ و پەیمانگەکان بە گرێبەست دەدات و نووسراوەکە واژۆ دەکرێت.

زانیاریی تایبەت: سەرچاوەیەک لە ئەنجوومەنی وەزیرانی هەرێمی کوردستان بە ئاڤا نیوزی گوت: "دوای ڕەزامەندی سەرۆکوەزیران، فەرمانەکە لە نووسینگەی تایبەتیەوە بە واژۆکراوی ڕەوانی دیوانی ئەنجوومەنی وەزیران کراوە".

 

زانیاریی زیاتر: ژمارەی ئەو وانەبێژانەی دادەمەزرێن سێ هەزار و 300 کەسە، لەم یەک دوو ڕۆژەدا بە نووسراوی فەرمی فەرمانەکە ڕەوانەی وەزارەتی دارایی و ئابووری دەکرێت بۆ ئەوەی مووچەیان بۆ ببەسترێت.

 

ئەمەش بزانە: مووچەی وانەبێژان دوای دامەزراندنیان بەگرێبەست بەمشێوەیە دەبێت:

- دیبلۆمی باڵا (یەک ساڵ) و بەکالۆریۆس (چوار ساڵ و پێنج ساڵ): 600 هەزار دینار.

- ماستەر و دیبلۆمی باڵا دوو ساڵ، بەکالۆریۆس شەش ساڵ (پسپۆڕی زانستە مرۆڤایەتییەکان): 850 هەزار بۆ یەک ملیۆن دینار.

- دکتۆرا (پسپۆڕی زانستە مرۆڤایەتییەکان): یەک ملیۆن و 100 هەزار دینار بۆ یەک ملیۆن و 250 هەزار دینار.

باکگراوند: هەر ئەمساڵ بە فەرمانی سەرۆکوەزیران مەسرور بازرانی 38 هەزار وانەبێژی قوتابخانەکان گرێبەستیان بۆ کرا و بڕیارە مووچەی مانگی نۆ بە گرێبەست وەربگرن.