یەکەمین کارگەی وایەری سفر و کێبلی سفر لەسەر ئاستی عێراق دەکرێتەوە

ئاڤا نیوز 

 

سەرۆکوەزیران مەسرور بارزانی، یەکەمین کارگەی وایەری سفر و کێبلی سفر لەسەر ئاستی هەرێمی کوردستان و عێراق لە هەولێر دەکاتەوە، پرۆسەی دیزاین، دروستکردن، تاقیکردنەوە، گەیاندن و دابینکردنی وایەری سفر و کێبلی سفری تەواو و کوالێتی بەرز و ستاندارد دەگرێتەوە.

 

وێنە گەورەکە: کارگەی وایەری سفر و کێبلی سفر پڕۆژەیەکی ستراتیژی کابینەی نۆیەمی حکومەتی هەرێمی کوردستانە، لە نێو یەک زۆندا شەش کارگەی پەیوەست بەو بوارە بە پێشکەوتووترین و نوێترین ئاستی هونەری بەرهەمەکان ئامادە دەکرێن.

 

زانیاریی بەدەستهاتوو: بەرهەمەکانی ئەو پڕۆژەیە بەرزترین کوالێتییان هەیە و ساڵانە بڕێکی زۆر کێبڵ و وایەر لە نێوخۆ ساغدەکرێتەوە و بەشێکیشی هاوردەی دەرەوە دەکرێت، مانگانە توانای بەرهەمهێنانی دوو هەزار و 400 تەن کێبڵ و وایەری هەیە.

 

زانیاریی زیاتر: ئەم کۆمپانیایە هەلی کاری بۆ 250 بۆ 300  کەس ڕەخساندووە، ئەگەر ماوەی کارکردنی بگۆڕێت بۆ دوو شیفت، ئەوا ژمارەی کارمەندانی بۆ 600 کەس بەرز دەبێتەوە.

 

پڕۆژەکە  لە شەش کارگە پێکهاتووە کە بریتین لە:- 

• کارگەی تواندنەوەی سیکرابی سفر.
• کارگەی لە قاڵبدانی سفری تواوە.
• کارگەی باریککردنەوەی قالبی سفر.
• کارگەی دروستکردنی پی ڤی سی PVC.
• کارگەی دروستکردنی کێبل.
• کارگەی بەرهەمهێنانی ئۆکسجین.
وێستگەی کارەبای تایبەت بە خۆی هەیە کە توانای
بەرهەمهێنانی کارەبا بریتییە لە 11.4 مێگابایت.