وادەی پڕكردنەوەی زانکۆلاین بۆ 24 کاتژمێری دیکە درێژکرایەوە

ئاڤا نیوز

 

وەزارەتی خوێندنی باڵا و توێژینەوەی زانستی بۆ جاری دووەم و بۆ ماوەی 24 کاتژمێری دیکە وادەی پرکردنەوەی فۆرمی زانکۆلاینی بۆ دەرچووانی پۆلی 12ی ئامادەیی درێژکردەوە.

 

وێنە گەورەكە: دەرچووانی پۆلی 12ی ئامادەیی لەڕێگەی پڕكردنەوەی فۆڕمی زانكۆلاینەوە بەپێی نمرەكانیان داواكارییان بۆ وەرگیران لە كۆلێژ و پەیمانگەكان پێشكەش دەكەن، ئەمساڵ 20-9-2024، فۆرمەكە كارا كرا و سەرەتا وا بڕیاربوو ماوەی كاراكردنەكە تەنیا 10 ڕۆژ بێت، بەڵام دواتر پێنج ڕۆژی دیكە درێژكرایەوە، ئەم درێژکردنەوەیەش دەبێتە دووەم جار.

 

لێدوانی فەرمی: د.توانا نەجەف، سەرۆکی دیوانی وەزارەتی خوێندنی باڵا و توێژینەوەی زانستی بە ئاڤا نیوزی گوت: "نزیکەی 90%ی قوتابیان فۆرمی زانکۆلاینیان پێشکەش کردووە، بڕیار بوو كاتژمێر 12:00ی ئەمشەو كارابوونی فۆرمی زانكۆڵاین بووەستێت، بەڵام بۆ 24 کاتژمێری دیکە درێژکرایەوە".

 

باکگراوند: ئەمساڵ ژمارەی دەرچووانی پۆلی 12ی ئامادەیی 57 هەزار بوو، زیاتر لە شەش هەزار دەرچووی ساڵی ڕابردووش ماون لە هیچ زانکۆ و پەیمانگەیەک وەرنەگیراون، وەزارەتی   خوێندنی باڵا پلانی هەیە سەرجەم دەرچووانی ئەمساڵ وەربگرێت.