زیاتر لە 130 هەزار مووچەخۆر لەڕێگەی هەژماری من مووچە وەردەگرن

ئاڤا نیوز 

 

دابەشکردنی مووچە بەشێوازی دیجیتاڵی لەڕێگەی هەژماری منەوە لە سەرجەم پارێزگاکانی هەرێمی کوردستان دەبێت، کۆی گشتی ئەو مووچەخۆرانەی کەوا لەم مانگەدا مووچەکانیان بەشێوازی دیجیتاڵی لەڕێگەی هەژماری من وەردەگرن, دەگاتە زیاترە لە 130 هەزار کەس.

 

وێنە گەورەکە: 600 هەزار کەس لە هەژماری من تۆمارکراون بۆ وەرگرتنی مووچەی مانگی نۆ لە 71 شوێنی هەرێمی کوردستان، هاوکات پارە نزیکەی 219 ئامێری (ATM) دانراوە.

 

لێدوانی فەرمی: تیمی هەژماری من بە ئاڤا نیوزی ڕاگەیاند: "مووچەی بەشداربووان خراوەتە سەر هەژماری بانکی ئەوانەی بە SMS ئاگادار کراونەتەوە، دەتوانن بڕۆن پارەکانیان ڕابکێشن."

 

زانیاریی زیاتر: نزیکەی 132 هەزار مووچەخۆر مووچەی مانگی نۆ لە ڕێگەی هەژماری من وەردەگرن، لەنێویاندا 105 هەزار  فەرمانبەرانی مەدەنی و27 هەزار پێشمەرگە، هەروەها ڕۆژی سێشەممە 08-10-2024، 19 هەزار پێشمەرگە هاوکاری دارایی هاوپەیمانان لە ڕێگەی هەژماری من وەردەگرن.

 

ژمارەکان وادەڵێن: ڕۆژی یەکشەمە 06-10-2024، 40 هەزار مووچەخۆر، دووشەممە 46 هەزار مووچەخۆر و سێشەممە 46 هەزار مووچەخۆر لە ڕێگەی ئامێرەکانی ATM دەتوانن مووچەکانیان ڕابکێشن.