سەرۆکوەزیران مەسرور بارزانی: جووتسایدی گۆمەسپان - سماقوڵی یەکێکە لەو پڕۆژە نایابەکان

ئاڤا نیوز 

 

لە ڕێوڕەسمێکدا سەرۆکوەزیران مەسرور بارزانی بەردی بناغەی ڕێگای گۆمەسپان– سماقوڵی دانا، کە پارێزگای هەولێر بە ئیدارەی ڕاپەڕین و پارێزگای سلێمانی دەبەستێتەوە، بەدەوری بەنداوی گۆمەسپان دەخولێتەوە.

 

وێنە گەورەکە: جووتسایدی گۆمەسپان– سماقوڵی ڕێگایەکی گرنگی بازرگانییە لە نێوان پارێزگاکانی هەولێر و سلێمانی، جگە لەوەی دەبێتە ناوەندێکی گرنگی گەشتیاری بۆ ئەو گەشتیارانەی سەردانی ناوچە گەشتیارییەکانی سنووری پارێزگای هەولێر دەکەن.

 

لێدوانی فەرمی: سەرۆکوەزیران مەسرور بارزانی، لە کاتی دانانی بەردی بناغەی پڕۆژەکە وتارێکی پێشکەش کرد و گوتی، "جووتسایدی گۆمەسپان - سماقوڵی یەکێکە لەو پرۆژە نایابەکانی دەوروبەری هەولێر، ئاسانکاری بۆ گەشتیاران دەکات و  بە دەوری بەنداوی گۆمەسپان دەخولێتەوە".

 

ئەوەی پێویستە بیزانیت: ماوەی ڕێگاکە 26 کیلۆمەترە، لەلایەن هێمن گرووپ جێبەجێ دەکرێت، پانی هەر سایدێک 10 مەترە و بە بەشێوەی بازنەیی بەدەوری بەنداوی گۆمەسپان دەخولێتەوە، ڕێرەوی فریاگوزاری، دیواری پاڵپشت، پەرژینی خۆپاراستن، شەش پرد  و یەک ژێر پرد لەخۆدەگرێت، لەماوەی دوو ساڵ و نیودا تەواو دەبێت.