بەلەمێكی کۆچبەران بە 27 سەرنشینەوە لە دەریای ئیجە نقووم دەبێت

ئاڤا نیوز

 

بەگوێرەی زانیارییەکانی پاسەوانی کەناراوەکانی یۆنان،  لە دەریای ئیجە بەلەمێک کە 27 سەرنشینی هەڵگرتبوو و دەیانویست بە ڕێگای قاچاغ بەرەو ئەوروپا بپەڕنەوە، نقووم بوو و چوارکەس گیانیان لەدەست دا.

 

وێنە گەورەکە: زۆرجار نقوومبونی بەلەمی کۆچبەران لە ئاوەکانی یۆنان ڕوودەدات، دەریای ئیجە؛ یەکێکە لەو ڕێگایانەی کۆچبەران لە ئەفریقا یان ڕۆژهەڵاتی ناوەڕاست بۆ  پەرینەوە بۆ ئەوروپا و بەریتانیا بەکاریدەهێنن.

 

بڵاوکراوەی فەرمی: بەپێی وتەی وتەبێژی پاسەوانی کەناراوەکان، ئێوارەی ڕۆژی  سێشەممە بەلەمێکی کۆچبەران لە کەناراوەکانی دوورگەی 'کۆسی' یۆنان نوقم بووە. لە ڕاگەیەندراوەکەدا باس لەوە کراوە کە دوو منداڵی ساوا و دوو ژن گیانیان لەدەستداوە.

 

زانیاریی بەدەستهاتوو: 23 کەس لەو کۆچبەرانە ڕزگارکراون، گومان دەکرێت یەکێکیان قاچاغجیەکە بێت.