گرووپێکی هاککەری ئێرانی دزە دەکاتە ناو ئیمەیڵەکانی ترەمپ

ئاڤا نیوز

 

بە گوێرەی ڕاپۆرتێکی ئاژانسی ڕۆیتەرز گرووپێکی هاککەری ئێرانی توانیویەتی دزە بکاتە ناو ئیمەیڵەکانی دۆناڵد ترەمپ، سەرۆکی پێشوو و کاندیدی کۆمارییەکان بۆ هەڵبژاردنەکانی سەرۆکایەتیی ئەمریکا.

 

بۆچی گرنگە: هاککەرەکان ئیمەیڵەکانی ترەمپیان بۆ دیموکراتەکانی ئەمریکا و هەروەها بۆ چەند ڕۆژنامەنووسێکی سەربەخۆ ناردووە. 

 

ئەمەش بزانە: پێشتریش چەند جارێکی دیکە گرووپی (APT42)، کە گرووپێکی هاککەری ئێرانییە، بە هاککردنی کەمپەینی بانگەشەکانی ترەمپ تۆمەتبار کرابوو. 

 

باکگراوند: ڕۆژی 5ـی نۆڤەمبەری ئەمساڵ هەڵبژاردنی سەرۆکایەتیی ئەمریکا بەڕێوە دەچێت و ترەمپ ڕکابەریی کامالا هاریس، کاندیدی دیموکراتەکان دەکات.