ئەنجوومەنی ئاسایشی نەتەوەیەکگرتووەکان دەنگ لەسەر پلانی لە غەززە دەدات

ئاڤا نیوز

ئەنجوومەنی ئاسایشی نەتەوەیەکگرتووەکان بڕیارە ئەمڕۆ دەنگ لەسەر پلانی ترەمپ بۆ جێگیرکردنی هێزی نێودەوڵەتی لە غەززە بدات.

زانیاریی بەدەستهاتوو: بڕیارە ئەمڕۆ دووشەممە 17-11-2025 دوای چڕبوونەوەی هەوڵەکان، ئەنجوومەنی ئاسایشی نەتەوەیەکگرتووەکان دەنگ لەسەر بڕیارنامەیەک بدات کە لەلایەن ئەمریکاوە داڕێژراوە سەبارەت بە پلانی ئاشتی بۆ غەززە.

چی ڕوودەدات: ئەم دانیشتنەی ئەنجوومەنی ئاسایش لە کاتێکدایە، ئەمریکا و چەندین وڵاتی عەرەبی و زۆرینە موسڵمان، لەوانە میسر، سعوودیە و تورکیا، داوایان لە ئەنجوومەنی ئاسایشی نەتەوەیەکگرتووەکان کرد کە بە زوویی بڕیارنامەکەی ترەمپ بۆ غەززە پەسەند بکات.

ئەوەی پێویستە بیزانیت: دامەزراندنی هێزێکی نێودەوڵەتیی لە غەززە لانیکەم بۆ ماوەی دوو ساڵ یەکێکە لە بنەما سەرەکییەکانی پلانەکە، تێدا دەسەڵات بە واشنتن و وڵاتانی دیکە دەدات بۆ بەڕێوەبردنی غەززە لەو ماوەیەدا دەدات، وڵاتانی وەک ئەندەنوسیا، ئازەربایجان، میسر و تورکیا ئامادەیی خۆیان دەربڕیووە بۆ بەشداریکردنی هێزەکانیان  لە ناوچەکە.