شەشەمین کۆڕبەندی مێپس لە دهۆک دەستپێدەکات

ئاڤا نیوز

بە بەشداری سەرۆک بارزانی و ئامادەبوونی سەرکردە باڵاکانی عێراق و هەرێمی کوردستان، شەشەمین کۆڕبەندی ئاشتی و ئاسایشی ڕۆژهەڵاتی ناوەڕاست لە شاری دهۆک دەستپێدەکات، کۆمەڵێک وتار و شەش پانێڵ لەسەر ڕەوشی ئاسایش، پرسی وزە، ئاڵنگارییەکانی کەشوهەوا، بەرەنگاربوونەوەی تیرۆر، پرسی ئابووری و وزە پێشکەش دەکرێن.

چیرۆکی سەرەکی: پێشنیوەڕۆی ئەمڕۆ سێشەممە، بە ئامادەبوونی 150 سەرکردەی، ناوەخۆیی، هەرێمی و نێودەوڵەتی لە 25 وڵاتی جیاواز، شەشەمی کۆڕبەندی ئاشتی و ئاسایشی ڕۆژهەڵاتی ناوەڕاست، لە زانکۆی ئەمریکی دهۆک بەڕێوەدەچێت.

 

زانیاریی بەدەستهاتوو: وتاری بەخێرهاتنی کۆڕبەندەکە لە لایەن سەرۆکوەزیران مەسرور بارزانی پێشکەش دەکرێت دواتر سەرۆک بارزانی، فایەق زێدان، سەرۆکی ئەنجوومەی باڵای دادوەری عێراق؛ محەممەد حەسەن، نوێنەری نەتەوەیەکگرتووەکان لە عێراق؛ عەممار حەکیم، سەرۆکی ڕەوتی حیکمە؛ موسەننا سامەڕایی، سەرۆکی هاوپەیمانی عەزم و خەمیس خەنجەر، سەرۆکی هاوپەیمانی سیادە؛ وتاریان دەبێت.

ئەمەش بزانە: دوای ئەوە لە کاتژمێر 11 بۆ 11:30 دانیشتنی یەکەم بەڕێوەدەچێت، محەممەد شیاع سوودانی، سەرۆکوەزیرانی عێراق؛ دیدارێکی تایبەتی لەگەڵ دەکرێت.

- لە کاتژمێر 12ـەوە پانێلەكان بەڕێوەدەچن، شەش پانێل لە ڕۆژی یەکەم دەبێت و تاوەکو 9ـی شەو بەردەوام دەبێت.

 ئەوەی پێویستە بیزانیت: لە کۆڕبەندەکەی سبەی هەرسێ دەسەڵاتی یاسادانان و جێبەجێکردن و دادوەری بەشدارن، دیدارەکەش لەبارەی ئاڵنگاری و گۆڕانکاری ناوچەکە دەبێت، هەروەها پرسی پێکهێنانی کابینەی نوێی حکومەتی عێراق تەوەرێکی دیکەی نێو گفتوگۆکان دەبێت.