ئێران: بەرنامەی ئەتۆمیمان سەلامەتە

ئاڤا نیوز

هەر چەندە ئەمریکا سوورە لەسەر ئەوەی بەرنامە ئەتۆمییەکەی ئێرانی لەناوبردووە، بەڵام ئێران دووبارە جەخت لەوە دەکاتەوە، بەرنامە ئەتۆمیی وڵاتەکەی سەلامەتە سەرەڕای هێرشەکان.

لێدوانی فەرمی: سەعید خەتیبزادە، جێگری وەزیری دەرەوەی ئێران لە چاوپێکەوتنێکدا لەگەڵ سی ئێن ئێن ڕایگەیاند، بەرنامەی ئەتۆمی ئاشتیانەی ئێران هەر وەک خۆیە و سەلامەتە ئێمەش پارێزگاریی لێدەکەین.

زانیاریی زیاتر: عەباس عێراقچی، وەزیری دەرەوەی ئێران پێشتر ڕایگەیاندبوو، ئەوەی ئیسرائیل و ئەمریکا مەبەستیان بوو، نەگەیشتووەتە دی، ئەوانیش هیچ یەک لە ئامانجەکانیان نەگەیشتوون، ڕەنگە  کەلوپەلەکان لەناوچووبن، بەڵام ئەو تەکنەلۆژیایە لەناو ناچێت.

باکگراوند: ئێران و ئیسرائیل لە مانگی حویزەیرانی ئەمساڵ بۆ ماوەی 12 ڕۆژ لەجەنگدا بوون، ئیسرائیل بەشێوەیەکی بەرفراوان هێرشی بۆ سەر ئێران ئەنجامدا، کە بەهۆیەوە چەندین بەرپرسی باڵای سەربازی و زانای ئەتۆمی وڵاتەکەی کردە ئامانج و دواتر ئەمریکاش هێرشی بۆ سەر دامەزراوە ئەتۆمییەکانی تاران لە فۆردۆ و نەتەنز و ئیسفەهان ئەنجام دا.