هاوسەرۆکی پەیەدە بۆ ئاڤا: مەزڵووم عەبدی و تۆم باراک جارێکی دیکە لە هەولێر کۆدەبنەوە

ئاڤا نیوز

بە مەبەستی گفتوگۆکردن لەسەر ئاگربەست لە نێوان هەسەدە و سوپای عەرەبی سووریا، هاوسەرۆکی پەیەدە بە ئاڤای وت، ئەمڕۆ جاریکی دیکە لە هەولێر، مەزڵووم عەبدی و تۆم باراک کۆ دەبنەوە.

لێدوانی فەرمی: غەریب حەسۆ، هاوسەرۆکی پەیەدە، بە ئاڤای ڕاگەیاند، مەزڵووم عەبدی، فەرماندەی گشتیی هەسەدە و تۆم باراك، نوێنەری تایبەتی دۆناڵد ترەمپ بۆ كاروباری سووریا لە هەولێر كۆدەبنەوە بۆ تاوتوێی چارەسەركردنی دۆخی سووریا و ڕۆژئاوای كوردستان.

ئاماژەی بەوەشکرد، هەریەك لە ئەمریكا و فەرەنسا چاودێریی كۆبوونەوەكە دەكەن، ئەگەر ئەنجامی كۆبوونەوەكە لە بەرژەوەندیی كورد نەبێت، ڕەتی دەكەینەوە.

ئەوەی پێویستە بیزانیت: ئەمە دەبێتە دووەم کۆبوونەوەی نێوان مەزڵووم عەبدی و تۆم باراک، دوای ئەوەی ڕۆژی شەممە 17ـی ئەم مانگە بە ئامادەبوونی سەرۆک بارزانی لە هەولێر یەکەم کۆبوونەوەیان کرد.