پەیامێکی نوێ لە مەسرور بازرانییەوە بۆ خەڵک و لایەنە سیاسییەکان

ئاڤا نیوز

 

مەسرور بارزانی، سەرۆکوەزیران و جێگری سەرۆکی پارتی، لەمیانی قسەکردن لە پانێلێکدا لە دیداری مێری لە شاری هەولێر، پەیامێکی تایبەتی ئاراستەی خەڵک و لایەنە سیاسییەکانی هەرێمی کوردستان کرد.

 

وێنە گەورەکە: لە هەولێر دەیەمین دیداری مێری بە ناونیشانی (بەرەو حکومڕانی دروست و خۆشگوزارنی) بەڕێوەدەچێت. مەسرور بارزانی، سەرۆکوەزیران و جێگری سەرۆکی پارتی بە ناونیشانی (ھەرێمی کوردستانی عێراق دوای ھەڵبژاردن: ستراتیژ و ئەولەویەتەکان) بەشداری لە پانێلێکدا کرد.

 

لێدوانی فەرمی: سەرۆکوەزیرانی مەسرور بارزانی ڕایگەیاند: "پیرۆزبایی سەرکەوتنی هەڵبژاردن لە هەموو خەڵکی کوردستان دەکەم، هەر کەسێک هەر بۆچوونێکی هەبێت وەکو بۆچوونی شەخسی جێگەی ڕێزە، تاکە شت کۆمان بکاتەوە بەرژەوەندی باڵای گەل و نیشتمانە، تاوەکو بتوانین خزمەتکاری گەل و نیشتمانەکەمان بین پێویستە دەستی ئاشتی بۆ یەکتر درێژ بکەین و یەکتر قبوڵ بکەین، ئەمە زیاتر یارمەتیدەر دەبێت بۆ باشترکردنی بارودۆخی هەرێمی کوردستان و بارودۆخی عێراق بەشێوەیەکی گشتی، لەم هەڵبژاردنە دەرکەوت ئەوەی هەڵگری پەیامی ئاشتی و ئاوەدانی بوو زیاتر بووە جێگەی متمانەی خەڵک، هیوادارم هەموو لایەک لەم ڕاستییە تێگەیشتبن، پێویستە ئاشتی و سەقامگیری ببێتە جێگرەوەی ململانێی بێهودە".

 

لەلایەکی دیکەوە: لە بەشێکی دیکەی پانێڵەکەدا سەرۆکوەزیران مەسرور بارزانی لەبارەی ئەنجامەکانی هەڵبژاردنی پەرلەمانی کوردستان  داوای کرد دوای ڕاگەیاندنی ئەنجامی کۆتایی هەڵبژاردن هەموو لایەنە سیاسییەکان ئەنجامەکان قبوڵ بکەن و گوتی: "بە چاودێری و شاهێدی ڕێكخراوە نێودەوڵەتییەكان و جیهان هەڵبژاردنێكی پاك و بێگەرد بوو، هەرچەندە گلەیش هەیە، بەڵام هیوادارین هەموو لایەك ئەنجامەكان قبوڵ بكەن".