لە سنووری ئامێدی 210 گوند بەهۆی شەڕی پەكەكە و توركیاوە چۆڵكراون

ئاڤا نیوز 

بەهۆی شەڕی چەند ساڵەی پەكەكە و توركیا، تەنیا لە سنووری قەزای ئامێدی لە پارێزگای دهۆك 210 گوند چۆڵكراون و دانیشتووانەكانیان بەرەو ناوچەی ئارام ڕۆیشتوون.

 

زانیاریی پەیامنێر: كاروان عەلی، پەیامنێری ئاڤا لە ئامێدی، بەدواداچوونی بۆ دۆخی ژیانی گوندشینانی سنووری ئامێدی كردووە و ڕایدەگەیێنێت، جگە لە چۆڵبوونی 210 گوند، ئێستا شەڕی پەكەكە و توركیا، گوندە ئاوەدانەكانیشی گرتووەتەوە و دانیشتووانی دەڤەرەكە لە ترس و دڵەڕاوكێی زۆردان.

 

لێدوانی فەرمی: هەدیا یوسف، دانیشتووی گوندی مێرسیتەك لە ئامێدی بە ئاڤای ڕاگەیاند: بەردەوام دەستمان لەسەر دڵمانە و بەهۆی شەڕی پەكەكە و توركیاوە لە دۆخێكی نائارامدا دەژین، چەكدارانی پەكەكە تی ئێن تی لە ڕێگا و شەقامەكان دادەنێن و گیانمان لە مەترسیدایە.

 

لەلایەكی دیكەوە: وارشین سەلمان، قایمقامی ئامێدی بە ئاڤای ڕاگەیاند: لە سنووری هەر شەش ناحیەی قەزای ئامێدی 356 گوند هەن، لەو ژمارەیە بەهۆی شەڕی پەكەكە و توركیاوە 210 گوند چۆڵكراون