سەرۆكی هەرێمی كوردستان فه‌رمانى هێنانه‌كايه‌ى سێ ناحيه‌ ده‌رده‌كات

ئاڤا نیوز

 

سەرۆکایەتیی هەرێمی کوردستان بڕیاری هێنانەکایەی سێ ناحیەی لە پارێزگای دهۆک دەرکرد، بە ئامانجی ئاسانکاریی کارگێری زیاتر بۆ هاووڵاتییان.

 

چیرۆکی سەرەکی: ڕۆژی چوارشه‌ممه‌ 2024/10/30، نێچيرڤان بارزانى، سه‌رۆكى هه‌رێمى كوردستان، بڕيارى هێنانه‌كايه‌ى هه‌رسێ ناحيه‌ى شاريا، مسێريک و ته‌ناهى له‌ سنوورى پارێزگاى دهۆك، دەرکرد.

 

ڕاگەیێنراوی فەرمی: سەرۆکایەتی هەرێمی کوردستان لە راگەیێنراوێکدا ئاماژە بەوە دەدات، ئەم فەرمانە پاڵپشت به‌ ياساى سه‌رۆكايه‌تیى و له‌به‌ر ڕۆشناييى نووسراوێكى سه‌رۆكايه‌تيى ئه‌نجومه‌نى وه‌زيران، به‌پێى ياساى پارێزگاكانى هه‌رێمى كوردستان ده‌رچووه‌ و له‌ ڕۆژى ئيمزاكردنييه‌وه‌، دەچێتە بواری جێبەجێکردن.

 

ئەوەی پێویستە بیزانیت: هێنانه‌كايه‌ى ئه‌و سێ ناحيه‌ تازه‌يه‌ له‌ سنوورى پارێزگاى دهۆك، ده‌بێته‌ هۆى فراوانكردن و بره‌ودانى زياتر به‌ خزمه‌تگوزاريى گشتىی و پێشكه‌شكردنى ئاسانكاريى زياترى كارگێڕى بۆ هاووڵاتيانى ئه‌و سێ ناحیەیە.