سامانە سروشتییەکان: ڕێگری دەکرێت سووتەمەنى بۆ کارەبای تاسڵوجە و سلێمانی بگوازرێتەوە

ئاڤا نیوز

 

وەزارەتی سامانە سروشتییەکان ڕایدەگەیێنێت، ڕێگری دەکرێت نەوتی ڕەش بۆ وێستگەکانی بەرهەمهێنانی کارەبای تاسڵوجە و سلێمانی بگوازرێتەوە، بەڵام هۆکارەکەی ئاشکرا نەکردووە.

چیرۆکی سەرەکی: لە سەرەتای ئەم مانگەوە ڕێگری لە گەیاندنی نەوتی ڕەش بۆ وێستگەی بەرهەمهێنانی 51 مێگاوات کارەبای تاسڵوجە و وێستگەی بەرهەمهێنانی 29 مێگاوات کارەبای سلێمانی دەکرێت. 

 

ڕاگەیێنراوی فەرمی: وەزارەتی سامانە سروشتییەکان دووپاتی دەکاتەوە، هەوڵێکی زۆری بۆ چارەسەرکردنی ئەم کێشەیە داوە، بەڵام تا ئێستا چارەسەر نەکراوە، هاوکات هەردوو وێستگەکە به قەبارەى 80 مێگاوات کارەبا لەکارکەوتوون و زیانی گەورەی بە بەرهەمهێنانی کارەبا گەیاندووە. 

 

لەلایەکی دیکەوە: داوا دەکات بەزووترين كات ڕێگە بە گواستنەوەی سووتەمەنى له بازگەكان بدرێت، تاوەكو ئەم دوو وێستگەيه جارێکی تر بەگەڕبخرێنەوە.

 

ئەوەی پێویستە بیزانیت: سووتەمەنی لە هەولێرەوە بۆ هەردوو وێستگەی بەرهەمهێنانی تاسڵوجە و کارەبای سلێمانی دەنێردرێت، کارەبای بەرهەمهاتووە دەچێتە ناو تۆڕی کارەباى هەرێم و بەسەر هاووڵاتیان دابەش دەکرێت.