دانیشتووانی 14  گوندی ئیدارەی ڕاپەڕین پردی پەڕینەوەیان نییە

ئاڤا نیوز

 

دانیشتووانی 14 گوندی سنووری ناحیە بنگرد لە ئیدارەی ڕاپەڕین تا ئێستا پردی پەڕینەوەیان نییە تاوەکو لە ئاوی زێی بچووک بپەڕنەوە، تاوەکو ئێستا هاتوچۆیان بە چووپە و ئەمەش مەترسی لەسەر ژیانیان دروستکردووە.

 

وێنە گەورەکە: دانیشتووانی چەندین گوندی لە دەڤەری ڕاپەڕین ماوەی چەندین ساڵە گرفتی نەبوونی پردی پەڕینەوەیان هەیە لە زێی بچووک، تاوەکو ئێستا لایەنە پەیوەندیدارەکان ئاوڕێکی جدییان لە چەرەسەری گرفتی ئەو هاووڵاتییانە نەداوەتەوە.

 

چیرۆکە سەرەکییەکە: دانیشتووانی ئەو ژمارە گوندەی ناحیەی بنگرد، زۆرجار بەهۆی بەرزبوونەوەی ئاستی ئاو نەیان توانیوە لەئاوی زێیەکە بپەڕنەوە و زۆرجاریش لە هەفتە زیاتر توانای هاتووچۆیان نەماوە و گیریان خواردووە، بەهۆی بەکارهێنانی چووپ بۆ پەڕینەوەیان زۆرجار مەترسی لەسەر ژیانیان دروستبووە و تووشی کارەساتی دڵتەزێن هاتوون.

 

لێدوانی فەرمی: محێدین ئەحمەد، دانیشتووی گوندی ئەلبانەیە و دەڵێت: لە سەردامانی زووەوە ئێمە بە کەڵەک هاتووچۆ دەکەین  و بەهۆی نەبوونی پردەوە زۆرجار ڕێگەمان بە تەواوی لێگیراوە و چەندین ڕۆژ نەمان توانیوە بڕۆینە ناوشار، چەندین جاریش بەڵێنی دروستکردنی پردیان پێداوین بەس هیچیان دیار نەبووە. 

 

زانیاریی زیاتر: دانیشتووانی ئەم گوندانە بە کشتوکاڵ و ئاژەڵدارییەوە خەریکن، هاوکات لە وەرزی بەهاردا خەڵکی بۆ کۆکردنەوەی گژوگیا بەهارییەکان ڕووی تێدەکەن، بەڵام دەبێت ئەوانیش چووپ و کەڵەک بەکاربهێنن.