جۆرێکی دیکەی فڕۆکەی جەنگی ئەمریکی گەیشتە ڕۆژهەڵاتی ناوەڕاست

ئاڤا نیوز

 

بەهۆی بەردەوامی گرژی و ئاڵۆزییەکانی ڕۆژهەڵاتی ناوەڕاست، پێنتاگۆن بڕیاریداوە بە جێگیرکردنی فڕۆکەی جەنگی زیاتر لە ناوچەکە.

 

ڕاگەیێنراوی فەرمی: فەرماندەیی ناوەندی ئەمریکا ڕایگەیاند: ژمارەیەک فڕۆکەی  B-52ی ئەمریکی گەیشتوونەتە ڕۆژهەڵاتی ناوەڕاست، ئەمەش وەک هۆشدارییەک بۆ ئێران دوای هەڕەشەکانی بۆسەر ئیسرائیل.

 

لەلایەکی دیکەوە: لۆید ئۆستین، وەزیری بەرگری ئەمەریکا ڕایگەیاند: ''ئەگەر ئێران یان گرووپە هاوبەشەکانی گرژی و ئاڵۆزییەکانی ناوچەکە بقۆزنەوە بۆ بە ئامانجگرتنی بەرژەوەندییەکانی ئەمریکا، ئەوا ئەمەریکا هەموو ڕێوشوێنێکی پێویست دەگرێتەبەر بۆ بەرگریکردن لە ئەمریکییەکان.

 

زانیاریی زیاتر: ئەم توانا سەربازییە نوێیانە بریتین لە  مووشەکی بالیستی، فڕۆکەی جەنگی، فڕۆکەی B-52 و جۆرەکانی تری فڕۆکەی سەربازی.

 

باکگراوند: فڕۆکەی B-52ی ئەمریکی، توانای هەڵگرتنی چەکی ئەتۆمی و چەندین چەکی دیکەی قورس هەیە، دەتوانێت 14 هەزار کیلۆمتر بفڕێت بەبێ پڕکردنەوەی سووتەمەنی.