ترەمپ سەگی ڕۆبۆتی بۆ پارێزگاریکردن لەخۆی بەکاردەهێنێت

ئاڤا نیوز 

 

دەستەی خزمەتگوزاری نهێنی ئەمریكا ڕایدەگەیەنێت بۆ پاسەوانیكردنی شوێنی مانەوەی دۆناڵد ترەمپ، سەگی ڕۆبۆتی بەكاردەهێنن.

 

چیرۆكی سەرەكی: هەوڵی كوشتنی ترەمپ لە ماوەی بانگەشەی هەڵبژاردن، هاوکات دەستگیرکردنی سێ کەس کە گومان دەکرێت لەلایەن ئێرانەوە پاڵپشتی کرابن بۆ کوشتنی ترەمپ، وایکردووە بایەخێكی تایبەت بە دابینكردنی ئاسایشی سەرۆكی تازەی ئەمریكا بدرێت.

 

لێدوانی فەرمی: ئەنتۆنی گوگلیێلمی، بەرپرسی پەیوەندییەکانی دەستەی خزمەتگوزاری نهێنی ئەمریكا، لە بەیاننامەیەكدا ڕایگەیاند، بۆ پاراستنی ئاسایشی شوێنی مانەوەی ترەمپ، تەكنەلۆژیای پێویستییان لەبەردەستە، باس لەوەش دەکات پارستنی سەلامەتی سەرۆكی ئەمریكا لە پێشینەی كارەكانیانە.

 

ئەمەش بزانە: كۆمپانیای "نێكست ستار" لە چوارچێوەی پڕۆگرامی "ئەستڕۆ" تەكنەلۆژیای زیرەكی دەستكردی بەجۆرێك پەرەپێداوە كە سەگە ڕۆبۆتییەكان بە تەكنەلۆژیای چاودێری و ژمارەیەك هەستەوەری پێشكەوتوو و بەرنامە ڕێژکراوە، بۆ دەستنیشانکردنی بۆمب و هەڕەشە کیمیاییەکان.